Ik din b agar apni tanhaai se dar jatay
Hum umar k raste main chup chaap bikher jatay
Hum tark-e-ta'aluq par zinda Hain,so mujrim hain
Kash us k liye jeetay,apne liye mar jatay
Us raat koi khushboo Qurbat main nahi jagi
Hum warna sanwar jatay,aur wo b nikhar jatay
Us jaan-e-Takalum ko,Tum hum se to milwate
Taskheer na kar patay,heraan to kar jatay
Kal saamne manzil thi,aur peeche uski awaaz
Ruktay to Safar jata,chaltay to bicher jatay
Hum shehr ki roonaq main gum ho k buhut khush thay
Ik shaam bacha letay,Ik rooz to ghar jatay
Mehroom fizao'on main,Mayoos nazaron main
Tum "Shani" nahi thehray,Hum kese thehr jatay
