Sham k surmai andheron main
Youn meray dil k dagh jaltay hain
Jaisay perbat k sabz pairon per
Barf k baad dhoop perti hay
Jaisay sehra ki rait urr urr ker
Ajnabi ka tawaf kerti hay
Door reh ker jo dil main rehta hay
Usay sitamgar bhi ghair kehta hay
Kitni masoom arzuoon ko
Kis tarah log tor jatay hain
Jaisay dam tortay musafir ko
Qafilay walay chor jatay hain
Ahain bharta hoon ashq peeta hoon
Roz merta hoon phir bhi jeeta hoon
Teri yadon ki tishnagi ab tak
Youn meray dil ko thaam leti hay
Jaisay ik taza qabr per bewa
Mernay walay ka naam leti hay
