Suna Hai Log Usay Aankh Bhar K Dekhtay Hain

Suna Hai Log Usay Aankh Bhar K Dekhtay Hain

So Us K Shehr Main Kuch Din Thehr K Dekhtay Hain

Suna Hai Rabt Hai Usko Kharab Haalon Se

So Apnay Ap Ko Barbaad Kar K Dekhtay Hain

Suna Hai Dard Ki Gahak Hai Chashm'e'Naz Uski

So Hum B Uski Gali SE Guzar K Dekhtay Hain

Suna Hai Usko Bhi Hai Shair'o'Shairi Se Shaghaf

So Hum Bhi Mojzay Apnay Hunar K Dekhtay Hain

Suna Hai Bolay To Baaton se Phool Jhartay Hain

Ye Baat Hai To Chalo Baat Kar K Dekhtay Hain

Suna Hai Raat Usay Chaand Takta Rehta Hai

Sitaray Baam'e'Falak Se Utar K Dekhtay Hain

Suna Hai Hashr Hain Uski Ghazaal Si Aankhen

Suna Hai Usko Hirann Dasht Bhar K Dekhtay Hain

Suna Hai Din Ko Usay Titliyan Satati Hain

Suna Hai Raat Ko Jugnu Thehr K Dekhtay Hain

Suna Hai Raat Se Bharh Kar Hain Kakulain Uski

Suna Hai Shaam Ko Sayee Guzar K Dekhtay Hain

Suna Hai Uski Siyah Chashmagi Qayamat Hai

So Usko Surma Faroosh Aah Bhar K Dekhtay Hain

Suna Hai Uskay Laboon Se Gulaab Jaltay Hain

So Hum Bahaar Par Ilzaam Dhar K Dekhtay Hain

Suna Hai Aaina Tamsaal Hai Jabeen Uski

Jo Sadaa Dil Hain Usay Ban Sanwar K Dekhtay Hain

Suna Hai Chashm'e'Tasawur Se Dasht'e'Imkaan Main

Palang Zawiye Uski Kamar K Dekhtay Hain

Suna Hai Uskay Badan K Tarash Aisay Hain

K Phool Apni Qubain Qatar K Dekhtay Hain

Wo Sar'o'Qad Hai Magar Be-Gul'e'Muraad Nahi

K Us Shajar Pe Shagofay Samar K Dekhtay Hain

Bas Ik Nigaah Se Lut'ta Hai Qafila Dil Ka

So Rah Rawa'e'Tamanna Bhi Dar K Dekhtay Hain

Suna Hai Uskay Shabistaan Se Moutasil Hai Behisht

Makeen Udhar K Bhi Jalway Idhar K Dekhtay Hain

Rukay To Gardishain Uska Tawaaf Karti Hain

Chalay To Usko Zamanay Thehr K Dekhtay Hain

Kisay Naseeb K Be Pair'han Usay Dekhay

Kabhi Kabhi Dar'o'Deewar Ghar K Dekhtay Hain

Kahaniyan Hio Sahi Sab Mubalaghay Hi Sahi

Agar Wo Khawab Hai Tabeer Kar K Dekhtay Hain

Ab Uskay Shehr MAin Therain K Kouch Kar Jain ?

FARAZ Ao Sitaray Safar K Dekhtay Hain

Chupke Chupke Raat Din , Aansu Bahana Yaad Hai

Chupke Chupke Raat Din , Aansu Bahana Yaad Hai

Hum Ko Ab Tak Aashiqui Ka Wo Zamana Yaad Hai

Tujh Se Mil Kay Hi Wo Kuch , Bebaak Ho Jana Mera

Aur Tera Danton Main Wo Ungli Dabana Yaad Hai

Chupke Chupke Raat Din , Aansu Bahana Yaad Hai

Hum Ko Ab Tak Aashiqui Ka Wo Zamana Yaad Hai

Chori Chori Hum Se Tum Aa Kar Milay Thay Jis Jaga

Mud'datain Guzri Par Ab Tak Wo Thikana Yaad Hai

Kheench Lena Wo Mera Parday Ka Kona Daf'atan

Aur Dopatay Se Tera Wo Munh Chhupana Yaad Hai

Do'Pehr Ki Dhoop Main Mere Bulanay K Liye

Wo Tera Kothay Pay Nange Paon Ana Yaad Hai

Ba'Hazaran Iztarab O Sad'Hazaran Ishtiaq

Tujh Se Wo Pehle Pehal Dil Ka Lagana Yaad Hai

BeRukhi K Sath Sun'na Dard'e'Dil Ki Daastan

Wo Kalai Main Tera Kangan Ghumana Yaad Hai

Aa Gya Gar Vasl Ki Shab Bhi Kahin Zikr'e'Firaaq

Wo Tera Roo Roo K Mujh Ko B Rulana Yaad Hai

Kyoun Bhool Gaye Hum Ko Rishta To Purana Tha.

Kyoun Bhool Gaye Hum Ko Rishta To Purana Tha.

Aik Yeh Bhi Zamana Hai Aik Woh Bhi Zamana Tha.

Rangeen Fizayein Thi Shokh Adayein Thi.

Jazbon Ki Jawani Thi Mosam Bhi Sohana Tha.

Seene Se Lagaya Tha Ankhon Pe Bithaya Tha.

Maloom Na Tha Tumne Yoon Chhor Ke Jana Tha.

Kyoun Humse Khafa Ho Tum Kyoun Humse Juda Ho Tum.

Kya Jurm Hua Humse Itna To Batana Tha.

Nafrat Se Bhari Nazrein Aik Jaan Hi Le Bethi.

Tukre Bhi Kiye Dil Ke Kya Khoob Nishana Tha.

Judaai K Mosam Main

Judaai k Mosam main,

Utarti Shaam se Pehly,

Meri Yakh-Basta Aankhon main,

Khaamoshi Raqs karti hai,

To Usski Yaad ki Payal,

Yoon Mery Kaan main Aa kar,

Mussalsal Chanchhanati hai,

To Phir Yak-Dam Khaamoshi ka,

"Tassalsul" Toot jata hai,

Phir aisey mein koi "Koyal",

Barry hi Qarb se Kooky,

To yoon Mehsoos hota hai,

k jaise Be-Sabab koi,

Kissi ko "Yaad" karta hy.

Kissi ko "Yaad" karta hy...

Cigrette Aur Tumhari Yaadein

Mein Cigrette Ko Hatheli Par

Ulat Kar Khali Karta Hoon

Phir Us Mein Daal Kr Yaadein

Tumhari Khoob Malta Hoon

Zara Sa Gham Milata Hoon

Hatheli Ko Ghumata Hoon

Basa Kr Tujh Ko Saanson Mein

Mein Phir Cigrette Banata Hoon

Lga Kr Apne Honton Se

Mohabbat Se Jalata Hoon

Tuje Sulgaa Ke Cigrette Mein

Mein Tere Kash Lagata Hoon

Dhuan Jab Mere Honton Se

Nikal Kar Raqs Krta Hai

Mere Chaaron Taraf Kamre Mein

Tera Aks Banta Hai

Main Us Se Baat Karta Hoon

Wo Mujh Se Baat Karta Hai

Yeh Lamha Baat Karne Ka Bada

Anmol Hota Hai

Teri Yaden Teri Batain

Bada Mahol Hota Hai...!!!!

Hawa Thami Thi Zaroor Lekin

Hawa thami thi zarur lekin,

Wo shaam jesay sisak rhi thi,

K zard patton ko aandhiyon ne,

Ajeeb Qisa suna diya tha,

K jis ko sun kr tamam patay,

Sisak rahy thay Bilak rahy thay,

Janay kis k, alam me sary,

Shajar jarroon se ukher chuky thay,

Boht tlasha tha hum ne tumko,

Har aik rasta Har aik waadi,

Har aik parbat

Har aik ghaati,

Mgr kahin se khbar na aie,

Ye keh k hum ne b dil ko tala,

Hawa thamay gi to dekh len gay,

Hum uskay rasto ko dhond lay gen,

Mgr hamari ye khush khiyaali,

Jo hum ko barbaad kar gai thi,

Hawa thami thi zaror Lekin,

Bari hi mudat guzar chuki thi,

Hmare Baloon k jangloon main,

Sufaid chandi utar chuki thi,

Falak pe taare nahi rahay thay,

Khwaab pyare nahi rahay thay,

Wo jin se basti thi Dil ki basti,

Wo log sare nahi rahay thay,

Magar ye Al'miyaa sab se bala'tar tha,

K tum humaray nahi rahay thay,

K hum tumhare nhi rahay thay,

Hawa thami thi zarur Lekin,

Bari hi mudat guzr chuki thi.

Tumhara Khat Mila Jana

Tumhara khat mila Jana!

Wo jis mein tum ne poocha hai,

K ab haalaat kaise hain?

Mere din raat kaise hain?

Mehrbani tumhari hai!

K tum ne is tarah mujh se,

Mere haalaat pooche hain,

Mere din raat pooche hain,

Tumhein sb kuch bta doon ga,

Mujhe itna bta do k.

Kabhi Sagar kinare pr,

Kisi Machhli ko dekha hai?

K jis ko lehrein paani ki,

Kinare tk to lati hain,

Magr phir chorr jati hain,

Mere haalaat aise hain,

Mere din raat aise hain…

Chalo Tum Chor Do Mujh Ko

Chalo Tum Chor Do Mujh Ko

Main Wapis Laut Jata Hun,

Tumhain Manzil Mubarak Ho

Nai Rahein Mubarak Houn,

Magar Phir Ae Mere Humdum

Mujhe Itna To Btla Do,

K Wapis Kiss Taraf Joun

Kahan Se Sath Laye The.

Mujhe Itna To Smjha Do

Agar Aisa Nahi Mumkin,

To Mujh Ko Is Tarha Toro

K Mai Yaksar Bikhar Joun,

Bhatakne Se To Behter Hai

Tumhary Pass hi Mar Joun.

Wo Shakhs Aik Sham Main Kitna Badal Gya

Aankhon ka rang, baat ka lehja badal gaya

Wo shakhs ek shaam mein kitna badal gaya

Kuch din to mera aks raha aaii'ne pe naqsh

Phir yun huaa, ke khud mera chehra badal gaya

Jab apne apne haal pe hum tum na reh sake

To kyaa hua jo ham se zammana badal gaya

Qadmon talay jo reit bichhi thi wo chal pari

Us ne churaya haath to sehra badal gaya

Koi bhi cheez apni jagah par nahin rahi

Jaate hi ek shakhs ke, kya kya badal gaya

Ik sarkhashi ki mauj ne kaisa kiya kamaal

Wo be-niyaaz sara ka sara badal gaya

Uth kar chala gaya koi waqfe ke darmiyaan

Pardaa uthaa to saara tamasha badal gayaa

Hairat se saare lafz usey dekhte rahe

Baaton mein apni baat ko kaisa badal gaya

Kehne ko ek sehn mein deevaar hi bani

Is ghar ki fazaa, makaan ka naqsha badal gaya

Shaayad wafa kay khel se uktaa gayaa tha wo

Manzil kay paas aa ke jo rasta badal gaya

Qaayem kisi bhi haal pe duniya nahin rahi

Aitabaar kho gayi kabhi sapna badal gaya

Manzar ka rang asl mein saaya tha rang ka

Jis ne use jidhar say bhi dekha, badal gaya

Andar ke mausmoun ki khabar us ko ho gayi

Us nau-bahaar-e-naaz ka chehra badal gaya

Aankhon mein jitne ashk the jugnu se ban gaye

Wo muskuraya aur meri duniya badal gaya

Apni galii mein apna hi ghar dhundte hain log

Amjad yeh kaun shehr ka naqsha badal gaya!